ХАМТЫН АЖИЛЛАГААНЫ САНАМЖ БИЧИГ БАЙГУУЛЛАА.
Рехамед Нэгдсэн Эмнэлэг болон Бүгд Найрамдах Солонгос Улсын СЭМ Эрүүл Мэндийн Төв нь 2025 оны 10 дугаар сард харилцан ойлголцлын санамж бичигт (ХОСБ) гарын үсэг зурж, албан ёсны хамтын ажиллагаагаа эхлүүллээ.
Уг хамтын ажиллагаа нь эрүүл мэндийн салбарт харилцан туршлага солилцох, шинэ технологийг нэвтрүүлэх, мэргэжилтний ур чадварыг дээшлүүлэх зэрэг олон чиглэлийг хамарч байна.
Хамтын Ажиллагааны Зөвшөөрсөн Чиглэлүүд
Хоёр тал дараах чиглэлүүдэд хамтран ажиллахыг зөвшөөрч, харилцан тохиролцлоо:
Туршлага солилцох:
Эрүүл мэндийн салбарын хөгжил, болон эрүүл мэндийн тогтолцооны шинэчлэл, өөрчлөлтийн чиглэлээр туршлага солилцох.
Мэргэжилтний чадавхыг дээшлүүлэх:
Эмнэлгийн мэргэжилтнүүдийн ур чадавхыг дээшлүүлэх зорилгоор урт, дунд, богино хугацааны сургалтын хөтөлбөрүүдийг, түүний дотор ажлын байран дахь болон ажлын үеийн сургалтыг хамтран зохион байгуулах.
Технологи нэвтрүүлэх:
Шинэлэг оношилгоо, эмчилгээний дэвшилтэт технологиудыг нэвтрүүлэх болон хамтран ашиглах.
Судалгаа, төсөл:
Хамтарсан хөтөлбөр болон/эсвэл судалгааны төслүүдийг хамтран боловсруулж, хэрэгжүүлэх.
Мэргэжилтэн солилцоо:
Хоёр талын хэрэгцээ шаардлагад нийцүүлэн эрүүл мэндийн мэргэжилтнүүдийг солилцох.
Өвчтөн шилжүүлэн эмчлэх, зохицуулалт:
Хоёр талын хооронд өвчтөнүүдийг шилжүүлэн эмчлүүлэх үйл явц болон эмнэлгийн тусламж үйлчилгээний үр дүнг нэгтгэн зохицуулах.
Энэхүү түншлэл нь хоёр талын эрүүл мэндийн байгууллагуудын хөгжилд чухал хувь нэмэр оруулж, иргэдэд үзүүлэх эрүүл мэндийн үйлчилгээний чанарыг олон улсын түвшинд хүргэх зорилготой юм.
Мэдээллийн ажилтан: 7575-0400
Хаяг: БЗД, 13-р хороо, Рехамед Гялс эмнэлэг
