Эх сурвалж: Алтан Пейж
Ойр ойрхон, хүчтэй, удаан хугацаанд уур хилэн үргэлжилдэг бол бидний сайн сайхан байдал, эрүүл мэндэд сөрөг нөлөө үзүүлдэг. “Уурлах нь бөөрний дээд булчирхайг цочроож адреналин, кортизол зэрэг стрессийн даавраар бие махбодийг дүүргэдэг тул хүний бие хамгаалж тулалдах, эсвэл зугатаах гэсэн төлөвт шилжихэд хүргэдэг” гэж Др Рэймонд Чип Тафратийн (Central Connecticut State University in New Britain) тайлбарлажээ.
Уурласан үед зүрхний цохилт түргэсэх, цусны даралт ихсэх, цусыг зүрх рүү хурдан хурдан шахах зэрэг физиологийн нөлөөг тухайн хүн мэдэрдэг. Бие махбод өөрийгөө хамгаалах эсвэл аюулаас зугтахын тулд тэмцэхэд бие махбодийн хувьд бэлтгэж байна гэсэн үг.
1. Уур уцаар нь зүрх сэтгэлд дарамт учруулдаг
Уур уцаар бие махбодоос стрессийн дааврыг ялгаруулдаг бөгөөд энэ нь байнга давтагдвал зүрхний эрүүл мэндэд сөргөөр нөлөөлдөг. Судалгаанаас үзэхэд уур (нүүрний хувирлаар илрэх хоромхон зуурын уур ч адил) зүрхний үйл ажиллагааг хямрааж, зүрхний булчингийн цус шахах чадварыг муутгаж, улмаар даралт ихсэх, хэм алдагдах, зүрхний шигдээс, цус харвалт, болон бодисын солилцооны хам шинж зэрэг өвчин үүсгэдэг.
Судалгаанаас үзэхэд ууртай хүмүүс (нөхцөл байдлыг дайсагнасан гэж ойлгодог, дайсагнасан бодол, мэдрэмжээ хянах чадвар муутай хүмүүс) зүрхний титэм судасны өвчнөөр өвчлөх эрсдэл өндөр байдаг мөн энэ өвчнөөр нас барах магадлал өндөр болохыг тогтоожээ.
2. Уур нь зүрхний шигдээс тусах эрсдэлийг нэмэгдүүлдэг
АНУ-ын 5 эмнэлгийн 4000 орчим шигдээс оноштой өвчтөнүүдийн судалгаагаар хэт уурласнаас хойш хоёр цагийн дотор зүрхний шигдээс хоёр дахин нэмэгддэг болохыг тогтоожээ. Өөрийгөө хянахгүй уурлах нь зүрхэнд маш муу болохыг олон судалгаа баталжээ.
3. Уур нь хоол боловсруулах үйл ажиллагааг алдагдуулдаг
Хүний тархи ба гэдэс уялдаатай бөгөөд гэдсийг хүний 2 дах тархи гэж нэрлэх болсныг бид мэднэ. Уурласан буюу хүстэй сөрөг сэтгэл хөдлөл нь хүний төв мэдрэлийн системийг /тархи/ хямруулж улмаар бие махбодь тулалдах төлөвт шилжих үед хоол боловсруулах үйл ажиллагаа ч дагаж хямардаг.
Жишээлбэл, стресс нь ходоод гэдэсний замд (хэвлийн өвдөлт, ходоодны хямрал, суулгалт гэх мэт) таагүй шинж үүсгэдэг ба архаг стресс нь гэдэсний үрэвсэлт өвчин (IBD), цочромтгой гэдэсний хам шинж (IBS), ходоод-улаан хоолойн сөргөө өвчин (GERD), ходоодны шарх зэргээр өвчлүүлдэг.
4. Хэт их уурлах нь сэтгэцийн эрүүл мэндийг доройтуулна
Судалгаанаас үзэхэд сэтгэл түгшүүр, сэтгэл гутрал зэрэг сэтгэл хөдлөлийн эмгэгийн үед уур уцаар ихэсдэг бөгөөд шинж тэмдгүүд нь муудаж, эмчилгээнд үзүүлэх хариу урвал бага байдаг. Уур (ялангуяа байнгын уур) нь бидний төвлөрөл, сэтгэн бодох чадварт муу нөлөөлдөг.
5. Уур уцаар нь нойргүйдэлд хүргэж болзошгүй
Уур хилэнгээ дарах гэж тэмцдэг, эсвэл илүү их уурладаг хүмүүс нойр мууддаг нь нотлогдсон. Нэгэн судалгаагаар дунд насны солонгос эрэгтэй, эмэгтэй хүмүүсийн уур хилэн болон нойрны хямралын хоорондын хамаарлыг судалжээ. Дунд зэрэг эсвэл их уурладаг гэж хариулсан хүмүүс нойргүйдлийн эрсдэл 40-70 хувиар өссөн байжээ.
Бусад судалгаанаас үзэхэд уурлах нь сэтгэлзүйн сэрэл, сэтгэлийн хямралыг нэмэгдүүлж, улмаар тайван байх, тайван унтахад саад болдог байна.
Уураа хянаж зүрхээ хайрлаарай.
Залруулж болох тохиол аваас уурлаж ундууцахын хэрэг юун…
Залруулж болшгүй тавилан болбол уурлаж ундууцаад ч нэмэр юун…