Өдөр тутамд хүний үеэнд бичил гэмтлүүд тохиолддог ч нөхөн төлжиж хэвийн байдалд ордог. Харин “Яс үений үрэвсэл”-ийн үед энэхүү тэнцвэрт байдал алдагдсанаар ялангуяа захын үеэнд бүтцийн өөрчлөлт илэрч, хүний өдөр тутмын үйл ажиллагаанд хэвийн оролцох чадварыг бууруулна.
Яс үений үрэвслийн гол шинж нь:
Үений өвдөлт
Үе хавагнах
Үений хөшингө
Үений хөдөлгөөн хязгаарлагдах
Үе, ясны хэлбэр алдагдах зэрэг багтана.
Үйлчлүүлэгчид ихэвчлэн үеэр бадайрч өвдөнө, чөлөөтэй хөдөлгөж чадахгүй, хөшиж өвдөнө гэх зовиурыг хэлэх нь түгээмэл байдаг.
Яс үений үрэвслийн ОНОШИЛГОО:
Лабораторийн шинжилгээ- Цусны дэлгэрэнгүй шинжилгээнд үрэвслийг илэрхийлдэг Улаан эсийн тунах хурд, С урвалж уургийн хэмжээг тодорхойлно.
Рентген шинжилгээ-Яс үений үрэвсэл хэмээн сэжиглэж буй хэсгийн эгц ба хажуу байрлалд рентген зураг авна. Үүгээр ясны ургалт, мөгөөрсөн доорх хатуурал, үе хоорондын зай нарийсалт зэргийг илрүүлнэ.
Үений ЭХО шинжилгээ- Хорт нөлөө багатай уг шинжилгээгээр үений булчин, мөгөөрсний эмгэгийг тодорхойлж, мөн ЭХО хяналтанд тарилга эмчилгээг хийх боломжтой.
Яс үений үрэвслийн ЭМЧИЛГЭЭ:
Эмийн эмчилгээ- үрэвслийн эсрэг, өвдөлт намдаах
Сэргээн засах эмчилгээ- Өвчин оношлогдсон өдрөөс эхлэн хийгдэнэ. Эмийн эмчилгээтэй хавсрах ба мэс заслын дараа сэргээн засах эмчилгээг үргэлжлүүлнэ.
Мэс засал эмчилгээ- эмийн эмчилгээнд үр дүнгүй, өвчин архаг явцтай тохиолдолд хийгдэнэ.
Хоол эмчилгээ- Үрэвсэл намдаах, үйлчлүүлэгчид тохирсон хоол зэрэг багтдаг.
Яс үений үрэвслээс УРЬДЧИЛАН СЭРГИЙЛЭХ:
Нас- 55-аас дээш насанд эрсдэл өндөртэй буюу нас ахих тусам ясны гадаргууг бүрхэж буй үений мөгөөрс нимгэрч, зөөлөрснөөр өвдөлт ихэсдэг тул урьдчилан сэргийлэх үзлэгт хамрагдах
БЖИ- Биеийн жингийн индекс 25-аас дээш байх буюу илүүдэл жинтэй хүмүүст ялангуяа өвдөгний үеэнд ирэх механик ачаалал нэмэгддэг тул идэвхтэй дасгал хөдөлгөөнтэй байж илүүдэл жингээс сэргийлэх
Мэргэжил- Нэг хөдөлгөөнийг олон давтан хийдэг ажил мэргэжил нь үеэнд бичил гэмтэл үүсгэж, үений мөгөөрс элэгдсэнээр яс үений үрэвслээр өвдөх эрсдлийг нэмэгдүүлдэг.
Д амин дэмийн дутагдал- Цусан дахь Д амин дэмийн түвшин бага хүмүүс яс үений үрэвслээр өвдөл магадлал 3 дахин их байдаг. Иймд Д амин дэмийн хэмжээг тодорхойлуулж эмчилгээний болон урьдчилан сэргийлэх тунгаар Д амин дэм уух
Хооллолт- Өөхтэй мах, цагаан гурил, шарсан хуурсан хоол, хагас боловсруулсан бүтээгдэхүүн, транс тос, хийжүүлсэн ундаа, халуун ногоо зэрэг нь үрэвслийг сэдрээх нөлөөтэй байдаг.
Үйлчлүүлэгч танд үеэр өвдөх, бадайрах, хөдөлгөөн хязгаарлагдах зэрэг зовиур илэрсэн бол Рехамед нэгдсэн эмнэлэгт Сэргээн засахын эмчилгээний тасаг нь уг эмгэгийн оношилгоо, эмчилгээ, зөвлөгөөг мэргэжлийн эмч, багийн бүрэлдэхүүнтэй үзүүлж байна.
Цагийн хуваарь: Даваа-Бямба
Мэдээллийн ажилтан: 7575-0400
БЗД. 7-р хороо, Зүүн 4 зам Рехамед Гялс Эмнэлэг
